પ્રધાનમંત્રી વિશ્વકર્મા યોજના ઓનલાઈન અરજી શરૂ, પાત્રતા અને પ્રોસેસ જાણો

પ્રધાનમંત્રી વિશ્વકર્મા યોજના સરકારશ્રી દ્વારા પરંપરાગત વિવિધ 18 પ્રકારના વ્યવસાય સાથે સંકળાયેલ લોકોને આત્મનિર્ભર બને તેના માટે લોન સહાય અને પ્રશિક્ષણ માટે મદદરૂપ થશે જે લોકોના જીવનમાં સુધાર લાવશે જેનો લાભ મેળવવા માટે ઓનલાઇન અરજી કરવાની રહેશે. ઓનલાઈન અરજીની રીત,પાત્રતા,યોજના અંતર્ગત લાભ વગેરે વિગતો નીચે મુજબ છે.

પ્રધાનમંત્રી વિશ્વકર્મા યોજના ટૂંકમાં માહિતી

યોજનાનું નામપ્રધાનમંત્રી વિશ્વકર્મા યોજના 2023યોજનાપ્રધાનમંત્રી યોજનાઅરજી કોણ કરી શકેમાત્ર પરંપરાગત કારીગરો જ અરજી કરી શકે છે.અરજી શરૂ થવાની તારીખ17 સપ્ટેમ્બર 2023ઓફિસિયલ વેબસાઈટhttps://pmvishwakarma.gov.in

પ્રધાનમંત્રી વિશ્વકર્મા યોજના યોજનાના મુખ્ય હેતુઓ:

આ યોજનાનો મુખ્ય હેતુઓ નીચે મુજબ છે.

૧૮ પારંપરીક વ્યવસાયો સામેલ.

શિલ્પકારો અને કારીગરોને પ્રમાણપત્ર અને આઇડી કાર્ડ દ્વારા માન્યતા મળશે.
પ્રથમ તબક્કામાં ૧ લાખ રૂપિયા સુધીની અને બીજા તબક્કામાં 2 લાખ રૂપિયા સુધીની મદદ માત્ર ૫% ટકાના દર પર,
યોજના અંતર્ગત કૌશલ વિકાસ પ્રશિક્ષણ, ટુલકીટ લાભ, ડિજીટલ લેવડ દેવડ પર ઇન્સેટીવ અને માર્કેટીંગ સપોર્ટ મળી રહેશે.

પ્રધાનમંત્રી વિશ્વકર્મા યોજના અંતર્ગત લાભઃ-

આ યોજના અંતર્ગત કેટલો લાભ મળશે જેની વિગતો નીચે મુજબ છે.

સફળ રજિસ્ટ્રેશન બાદ લાભાર્થીને પીએમ વિશ્વકર્મા સર્ટિફિકેટ અને આઇડી કાર્ડ આપવામાં આવશે.
કૌશલ્ય ચકાસણી પછી, લાભાર્થીને રૂા.૧૫,૦૦૦/-ની ટૂલકીટનો લાભ. લાભાર્થીઓને દૈનિક રૂા.૫૦૦/-ના સ્ટાઇપેન્ડ સાથે

બેઝિક કૌશલ્ય તાલીમ (૫-૭ દિવસ માટે ) બેઝિક કૌશલ્ય તાલીમ બાદ લાભાર્થીને ૧૮ મહિનાની મુદત માટે રૂા.૧ લાખ સુધીની કૉલેટરલ ફી લોન.
લાભાર્થીને બેઝિક કૌશલ્ય તાલીમ પૂર્ણ કર્યા પછી દૈનિક રૂા.૫૦૦/-ના સ્ટાઇપેન્ડ સાથે એડવાન્સ કૌશલ્ય તાલીમ. (૧૫-દિવસ માટે )જે કુશળ લાભાર્થીઓ સ્ટાન્ડર્ડ લોન એકાઉન્ટ જાળવશે અને જેમણે ડિજિટલ વ્યવહારો અપનાવ્યો છે અથવા એડવાન્સ કૌશલ્ય તાલીમ લીધી છે, તેઓને ૩૦ મહિનાના સમયગાળા માટે રૂા.ર લાખ સુધીની બીજી લોન.
લાભાર્થીઓને મહત્તમ ૧૦૦ વ્યવહારો (માસિક) માટે રૂા.૧/- પ્રતિ ડિજીટલ ટ્રાન્જેકશન દરે પ્રોત્સાહન.
સ્થાનિક અને વૈશ્વિક મૂલ્ય શ્રુંખલાઓ (લોકલ અને વૈશ્વિક વેલ્યુ ચેઇન) સાથેના તેમના જોડાણને સુધારવા માટે ગુણવત્તા પ્રમાણપત્ર, બ્રાન્ડિંગ, ઇ-કોમર્સ અને GeM પ્લેટફોર્મ પર ઓન-બોર્ડિંગ, જાહેરાત, પ્રચાર અને અન્ય પ્રવૃત્તિઓના સ્વરૂપમાં માર્કેટિંગ સપોર્ટ.